NEWS KU


پیرۆزبایی جەژنی ڕەمەزانی پیرۆز

posted Jun 24, 2017, 9:28 AM by SPU-ELC English Language Centre

بەناوی سەنتەری نێودەوڵەتی زمانی ئینگلیزی زانکۆی پۆلیتەکنیکی سلێمانیەوە پیرۆزبای جەژنی ڕەمەزانی پیرۆز ئاڕاستەی 
سەرجەم فێرخوازانی سەنتەر و مامۆستایان و فەرمانبەرانی سەنتەری نێودەوڵەتی زمان و زانکۆی پۆلیتەکنیکی سلێمانی دەکەین. 
‌هیوادارین ئەم جەژنە ببێتە مایەی خێروخۆشی و ئاشتی و ئارامی بۆ هەموو لایەک. 

0-02-05-f04222d9e602d1854c1b2a8f5bb6460db95ca157b16f6f1f71af270bbe19c2d1_full.mp4


سەنتەری نێودەوڵەتی زمان بڕوانامەی بەشداربوونی کۆرس دەبەخشێتە کۆمەڵێک فێرخواز

posted Jun 23, 2017, 7:17 AM by SPU-ELC English Language Centre


له‌مه‌راسیمێكی شایسته‌دا ڕۆژی چوارشه‌ممه‌ 21 ی حوزه‌یرانی 2017  له‌ هۆڵی كۆنفرانسی سه‌رۆكایه‌تی زانكۆی پۆلیته‌كنیكی سلێمانی بڕوانامه‌ی بەشداربوونی سەنتەری نێودەوڵەتی زمانی زانکۆی پۆلیتەکنیکی سلێمانی بەخشرایە کۆمەڵێک فێرخواز. 

مه‌راسیمه‌كه‌ به‌ ئاماده‌بوونی  پ.ی.د ئالان فه‌ره‌یدون علی امین سه‌رۆكی زانكۆی پۆلیته‌كنیكی سلێمانی و پ.ی.د دانا احمد یاریده‌ده‌ری سه‌رۆكی زانكۆ بۆ كاروباری كارگێڕی و دارایی و د.حكیم عوسمان ڕاگری كۆلیجی ته‌كنیكی كارگێڕی و د. كازم فرج ڕاگری په‌یمانگای ته‌كنیكی سلێمانی و هۆگر محمد تۆفیق به‌ڕێوه‌به‌ری سه‌نته‌ری نێوده‌وڵه‌تی زمانی ئینگلیزی و هه‌روه‌ها ژماره‌یه‌ك له‌مامۆستایان به‌ڕێوه‌چوو.

له‌لایه‌ن به‌ڕێزان سه‌رۆكی زانكۆو یاریده‌ده‌رو به‌ڕێوه‌به‌ری سه‌نته‌ری زمانی ئینگلیزی بڕوانامه‌ی كۆرسی ئاماده‌كاری  به‌خشرایه‌ هه‌ریه‌ك له‌ فێرخوازه‌كان.

فێرخوازان به‌گرنگییه‌وه‌ ئاماژه‌یان به‌ به‌ڕێوه‌چوونی خوله‌كه‌و ئاستی زانستی مامۆستایان كرد و له‌و باره‌یه‌وه‌  ڕۆزه‌ حه‌مه‌ وه‌یس وه‌ك یه‌كێك له‌ فێرخوازه‌كان ووتی ''به‌مه‌به‌ستی به‌هێزكردنی زمانی ئینگلیزی به‌شداری ئه‌م خوله‌ی زانكۆی پۆلیته‌كنیكی سلێمانیم كردوه‌و خولێكی تا ڕاده‌یه‌كی باش سوودی بۆم هه‌بوه‌و هه‌ست به‌وه‌ ده‌كه‌م زمانه‌كه‌م په‌ره‌ی باشی پێدراوه‌و له‌ ستافی وانه‌ وتنه‌وه‌و فێرخوازه‌كا ڕازی بووم و زمانه‌كه‌م له‌ئاستی مام ناوه‌نده‌وه‌ بوه‌ته‌ ئاستی باش كه‌ ئه‌وه‌ش مایه‌ی خۆشحاڵیمه‌ .''

ئه‌ندازیار محمد شیراز یه‌كێكه‌ له‌ سه‌ركه‌وتوه‌كانی خوله‌كه‌و بۆ سایتی زانكۆ دووا و گووتی ''ئێمه‌ له‌یه‌كێك له‌هه‌ره‌ سه‌نته‌ره‌ پێشكه‌وتووه‌كانی زمانی ئینگلیزی خوله‌كه‌مان بینی و مامۆستاكان و پێداویستییه‌كانی خوله‌كه‌ له‌ئاستێكی زۆر باشدابوو چونكه‌ پێشتر من خولی به‌هێزكردنی زمانی ئینگلیزیم بینیووه‌ و خۆشبه‌ختانه‌ سوودی زۆر باشم له‌ خوله‌كه‌ بینی.''

هه‌روه‌ها هۆزان احمد  یەکێکی تر لە بەشداربوونی خولەکە ووتی ''ئه‌م خوله‌ له‌ مانگی شوباتی 2017 وه‌ ده‌ستمان پێكردووه‌و بۆ ماوه‌ی سێ مانگ به‌رده‌وام بوین كه‌ كۆی خوله‌كه‌ 120 كاتژمێر بوو سه‌ركه‌وتوانه‌ خوله‌كه‌ به‌ڕێوه‌چوو ، مامۆستایان و خزمه‌تگوزاری سه‌نته‌ره‌كه‌ له‌ئاستی پێویستدا بوو.''

له‌ماوه‌ی ئه‌مساڵدا تا ئێستا نزیكه‌ی 80 فێرخواز به‌شێوه‌ی كلاس به‌شدارییان له‌ خولی بەهێزکردنی زمانی ئینگلیزی ئەکادیمی دا كردووه‌. هەروەها شایەنی باسە کە نزیكه‌ی 90 فێرخوازی تر له‌ ڕێگه‌ی ئۆنلاینه‌وه‌ به‌شدارن لە کۆرسی ئامادەکاری بۆ تاقیکردنەوەی ئایەڵس كه‌ له‌لایه‌ن بریتش كاونسڵ ی به‌ریتانییه‌وه‌ سه‌رپه‌رشتی ده‌كرێن.

سەنتەری نێودەوڵەتی زمانی زانکۆی پۆلیتەکنیکی سلێمانی بەردەوام خولی پەرەپێدانی زمانی ئینگلیزی، ئەکادیمی و گشتی، و ئامادەکاری بۆ تاقیکردنەوەی ئایەڵس پێشکەش بە فێرخوازان دەکات 
بە سەرپەرشتی مامۆستای بەئەزمون و شارەزا و بە نرخێک کە  کە گونجاوبێت لەگەڵ بارودۆخی ئێستای هەرێمی کوردستاندا. 





سەنتەری نێودەوڵەتی زمانی ئینگلیزی و زانکۆی پۆلیتەکنیکی سلێمانی

posted Apr 27, 2017, 2:35 PM by SPU-ELC English Language Centre   [ updated Apr 29, 2017, 6:21 AM ]

لە ڤیدیۆیەکدا کە ماوەکەی شەش خولەکە، ئاماژە بە سەرجەم کۆلێژ و بەشەکانی زانکۆی پۆلیتەکنیکی سلێمانی دەدرێت. 

سەنتەری نێودەوڵەتی زمانی ئینگلیزی وەک یەکێک لەهەرە سەنتەرە چالاکەکانی زانکۆی پۆلیتەکنیکی سلێمانی پێگەیەکی تایبەتی هەیە 
هەم لەسەر ئاستی زانکۆ هەم لەسەر ئاستی شاری سلێمانی و هەرێمی کوردستان و دەوروبەری. 

شایەنی باسە کە سەنتەری نێودەوڵەتی زمان تاکە سەنتەری زمانی نێودەوڵەتیە لەسەر ئاستی هەرێمی کوردستان بەهاوبەشی لەگەڵ
بریتش کاونسڵ کاردەکات و تاقیکردنەوەی نێودەوڵتەی ئایەڵس بەڕێوەدەبات لە شاری سلێمانی. سەنتەری نێودەوڵەتی زمان بە بەردەوامی
خولی فێربونی زمانی ئینگلیزی (گشتی و ئەکادیمی) و ئامادەکاری بۆ تاقیکردنەوەی ئایەڵس بەڕێوەدەبات. 

کۆمەڵێک کاندیدی بەرچاو لە شاری سلێمانی و دەوروبەری و ووڵاتانی دراوسێوە بەردەوام بەشداری تاقیکردنەوەی ئایەڵس دەکەن لە سەنتەری نێودەوڵەتی 
زمانی ئینگلیزی. 


تایبەت بە رۆژی زانکۆی پۆلیتەکنیکی سلێمانی ٤/٤/٢٠١٧

posted Apr 4, 2017, 11:49 AM by SPU-ELC English Language Centre   [ updated Apr 4, 2017, 11:56 AM ]

لە رۆژی زانکۆی پۆلیتەکنیکی سلێمانیدا چەند چالاکییەک بەرێوەدەچێت و سەرۆکی زانکۆش


لەپەیامێکیدا تایبەت بە رۆژی زانکۆ کە دەکاتە بەرواری ٤//٢٠١٧٤،
پ.ی.د.ئالان فەرەیدوون عەلی ئەمین سەرۆکی زانکۆی پۆلیتەکنیکی سلێمانی رایگەیاند،
 وێرای پیرۆزبایم بۆ ئەو رۆژە، راگرایەتی سەرجەم کۆلێج و پەیمانگاکانی زانکۆمان
 ئاگاداردەکەینەوە کە لەو رۆژەدا چالاکی زانستی و ھونەری ئەنجامبدەن و
 تێیدا سەرجەم مامۆستایان و فەرمانبەران و خوێندکاران بەشداری بکەن
بەجلی کوردییەوەو بیکەن بە رۆژی وەرگرتنی پشوویەک لەناو کۆلێج و پەیمانگاکانتان
.

سەرۆکی زانکۆ ووتیشی، ئێمە بۆ ئەو رۆژە بریارمانداوە ساڵانە چالاکی ھەمەرەنگ
 و جۆراوجۆر بەرێوەببەین و بۆ ئەمساڵیش لە کامپی کۆلێجە تەکنیکییەکانی سلێمانی و
 پەیمانگای تەکنیکی سلێمانی و زۆرێک لە کۆلێج و پەیمانگاکانی دیکەمان چالاکی تایبەت
 بەرێوە دەبەین، ھەروەھا لە سەرۆکایەتی زانکۆش چەند چالاکییەک بەرێوەدەچێت. 


ڵە پەیامێکی ڤیدیۆیشدا جێگرانی سەرۆکی زانکۆ و کۆمەڵێک لە بەڕێوەبەرانی زانکۆمان و

بەڕێوەبەری سەنتەری نێودەوڵەتی زمانی ئینگلیزی پیرۆزبایی خۆیان ئاڕاستەی سەرجەم

مامۆستایان و فەرمانبەران و خوێندکاران کرد. 

لینکی ڤیدیۆ


لە سەنتەری نێودەوڵەوتی زمانی ئینگلیزی تاقیکردنەوەی نێودەوڵەتی IELTS بەڕێوەدەچێت

posted Mar 18, 2017, 7:57 AM by SPU-ELC English Language Centre


لە چوارچێوەی بەڕێوەچونی تاقیکردنەوەی نێودەوڵەتی IELTS لە سەنتەری نێودەوڵەتی زمانی ئینگلزی زانکۆی پۆلیتەکنیکی سلێمانی
 
بە سەرپەرشتی بریتش کاونسڵ، ئەمڕۆ بەرواری 18/03/2017تاقیکردنەوی IELTS بە سەرکەوتوی بەڕێوەچو بە بەشداری نزیکەی 100 کاندید. 

شایانی بـاسە لە تاقیکردنەوەی ئەم مانگەدا، ژمارەیەکی بەرچاوی کاندید لە پارێزگای سلێمانی و شار و شارۆچکەکانی هەرێمی کوردستان و 
عێراق و هەندێک لە ووڵاتانی دراوسێوە بەشداری تاقیکردنەوەی ئەم مانگە بوون. کە ئەمەش ئاماژەیەکی ڕوونە بۆ دروستی 
سیستەم و شێوازی بەڕێوەچونی تاقیرکردنەوەکە بەشێوەیەکی دروست و دوور لە هەر کێشە و گرفتێکی بەرچاو لە سەنتەری نێودەوڵەتی
زمانی ئینگلیزی زانکۆی پۆلیتەکنیکی سلێمانی. 

 





گشتاندنى وەزارەت تایبەت بە کاندیدەکانى خوێندنى باڵا بۆ ڕەوانەکردنى بەڵگەنامەکانى خۆتۆمارکردن لە سێنتەرەکانى زمان

posted Feb 8, 2017, 1:23 PM by SPU-ELC English Language Centre

بەپێی نوێترین ڕێنمایی لە وەزارەتی خوێندنی باڵاوە، دەبێت کاندیدان بەزووترین کات ناوی خۆیان تۆمار بکەن بۆ کۆرسەکانی زمانی ئینگلیزی یان تاقیکردنەوەی زمان
ئەنجام بدەن. 

ناوی سەنتەری نێودەوڵەتی زمانی ئینگلیزی زانكۆی پۆلیتەكنیكی سلێمانی دەچێتە ناو وێبسایتی فەرمی بریتیش کاونسڵەوە

posted Jan 31, 2017, 11:36 AM by SPU-ELC English Language Centre

لە چوارچێوەی رێكەوتننامەی نێوانمان سەنتەری زمانی زانکۆمان ‌و بریتیش کاونسڵ بەمەبەستی ئەنجامدانی تاقیكردنەوەیIELTS ‌و كردنەوەی خولەكانی فێربوونی زمانی ئینگلیزی ‌و ئامادەكاری بۆ ئەو تاقیكردنەوەیە، بریتیش کاونسڵ بەشێوەیەكی رەسمی ناوی سەنتەری نێودەوڵەتی زمانی ئینگلیزی زانكۆی پۆلیتەكنیكی سلێمانی خستە نێو وێبسایتی فەرمی خۆیەوە. ئەم هەنگاوەش بە یەكێك لە دەرفەتە هەرە باشەكان هەژمار دەكرێت لەسەر ئاستی ناساندنی كاروچالاكییەكانی بریتیش کاونسڵ لەگەڵ سەنتەری نێودەوڵەتی زمانی ئینگلیزیدا، كە بەشێوەیەكی رەسمی خۆی دەبینێتەوە لە ئەنجامدانی تاقیكردنەوەی IELTS ‌و كردنەوەی خولی فێربوونی زمانی ئینگلیزی ‌و ئامادەكارییەكان بۆ IELTS ‌و چەندین هەوڵ ‌و چالاكی تر لە پێناو برەودان بە ئاستەكانی زمانی ئینگلیزی ‌و ئاشناكردنی فێرخوازان بەو زمانە.

زانیاری زیاتر وەرگرە سەبارەت بە کۆرسەکانی ئێستای سەنتەر لەم لینکەی خوارەوە:

https://www.facebook.com/elc.spu/posts/1902424809990082

لەم لینکەی خوارەوە ناو تۆمار بکە بۆ تاقیکردنەوەی IELTS:

https://ielts.britishcouncil.org/CheckAvailability.aspx

بۆ زانیارى زیاتر پەیوەندى بکەن بە ژمارە تەلەفونى: ٠٧٤٨٠١٩٠٠٩١
یان سەردانى سەنتەر بکە ڕۆژانى یەک شەمەو دووشەمەو چوارشەمە کات (٩-١)ى پاش نیوەڕۆ. 
شوێن: قڕگە، گەرەِکى ورمێ، ماردین ٣٢٧، کۆڵانى ٧٦٦، ڕاستەوخۆ پشت بەنزینخانەى وڵات لەسەر شەقەمامى (١٠٠) مەترى. 
یان سەردانى پەیجى فەرمى سەنتەرمان بکە لەڕێى ئەم لینکەوە www.facebook.com/elc.spu

وەزارەتى خوێندنى باڵا جەخت لە جێبەجێکردنى ڕێنمایى توانستى زمان دەکاتەوە

posted Jan 29, 2017, 11:46 PM by SPU-ELC English Language Centre

دوێنێ یەک شەممە، ڕێکەوتى (٨/١/٢٠١٧) ژمارەیەک لە کاندیدەکانى خوێندنى باڵا/ ماستەر و دکتۆرا خۆپیشاندانێکیان لە بەردەم وەزارەتى خوێندنى باڵا و توێژینەوەى زانستى ئەنجامدا و، یادشاتنامەکیان خوێندەوەو دواتر هەڵیان کوتایە سەر دیوانى وەزارەت، بۆیە وەک خوێندنى باڵا و توێژینەوەى زانستى بەپێویستى دەزانین ئەم ڕونکردنەوەیە بۆ ڕاى گشتى بڵاوبکەینەوە:

 

دواى ئەوەى بەدواداچونمان بۆ کرد، بۆمان دەرکەوت کە خۆپیشاندانەکەیان بەبێ وەرگرتنى مۆڵەت لە پارێزگار و وەزارەتى ناوخۆ ئەنجامداوەو هیچ داواکاریەکیان بۆ ئەو خۆپیشاندانە پێشکەش بەلایەنى پەیوەندیدار نەکردوە.

دیاریکردنى مەرجى توانستى زمانى ئینگلیزى بۆ خوێندنى باڵا/ ماستەر و دکتۆرا بەشێکە لە پڕۆسەکانى ڕیفۆرمى خوێندنى باڵا و توێژینەوەى زانستی بۆ بەرزکردنەوەى ئاستى زانستى ناوەندەکانى خوێندنى باڵا لە هەرێمى کوردستان.

ڕێنماییەکانى خوێندنى باڵا/ ماستەر و دکتۆرا لەلایەن لێژنەى باڵاى خوێندنى باڵا ئامادە دەکرێت و لەلایەن ئەنجومەنى وەزارەت کە سەرۆکى سەرۆکى سەرجەم زانکۆکان تیایدا ئەندام و لەلایەن جەنابیەوە وەزیرى خوێندنى باڵا و توێژینەوەى زانستى سەرۆکایەتى دەکرێت بڕیارى لەسەر دراوە، پاشانیش لە مانگى چوارى ساڵى ڕابردو بڵاوکراوەتەوە لە ڕۆژنامەیى وەقائیعى کوردستان، بۆیە بەهایەکى یاسایى وەرگرتوە و، گۆڕانکارى تێدا ناکرێت.

ئەو کاندیدانەى کە خۆپیشاندانیان کردوە بەپێى ئەو ڕێنماییانە وەرگیراون و، ئاگادارى سەرجەم مەرجەکان و بەتایبەت مەرجى توانستى زمانى ئینگلیزین، واتا وەرگرتنیان مەرجدارە.

ئێمە وەک وەزارەتى خوێندنى باڵا و توێژینەوەى زانستى داوامان لەکەس نەکردوە تا داوا پێشکەش بکەن بۆ خوێندنى باڵا/ ماستەر و دکتۆرا لە زانکۆکانى هەرێمى کوردستان، بەڵکو ئەوە خودى کاندیدەکانە کە بەمەرجەکان ڕازیبون و داوایان پێشکەشکردوە، ئەگەڕ ئێستاش پابەندى مەرجەکان نابن ئەوا ڕێکەوتنەکە هەڵدەوەشێتەوە.

وەزارەتەکەمان جەخت لە جێبەجێکردنى ڕێنماییەکان دەکاتەوە و، هاوشێوەى زانکۆ پێشکەوتوەکانى دنیا بەپێیى ڕێنماییەکان دەرفەتى ساڵێکى بەکاندیدەکان داوە بۆ ئەوەى خۆیان تەرخان بکەن بۆ بەرزکردنەوەى ئاستى زمانى ئینگلزى و بەدەستهێنانى نمرەى پێویست.

هەرچەندە لێپرسراوانى باڵا وەزارەتى خوێندنى باڵا و توێژینەوەى زانستى هەوڵى زۆریانداو ئامادەیى نیشاندا لە نزیکەوە لەگەڵ نوێنەرى خۆپیشاندەران کۆببێتەوەو گوێ لە داواکانیان بگرن، بەڵام ئامادەنەبون لەگەڵ لێپرسراوانى باڵا لە وەزارەت کۆببنەوە، کەچى دواتر بەڕێگەیەکى نەشیاو هەڵیانکوتایە سەر وەزارەتەکەمان و، بێ ڕێزیەکى زۆریان بەرامبەر بەشکۆى وەزارەت و کارمەندانى وەزارەتەکەمان کرد، لەگەڵ ئەوەشدا لێپرسراوانى وەزارەت وەک ئەرکێکى بەرپرسیارێتى لەگەڵیان کۆبوەوەو گوێیان لە داواکانیان کرد.

لە کۆتایدا جارێکى دیکە وەزارەتەکەمان جەخت لە جێبەجێکردنى تەواوى ڕێنماییەکان وەک خۆى دەکاتەوەو ، هەر قۆتابى/ خوێندکارێک پابەندى مەرجەکان نەبێت وەزارەت و زانکۆکان ئەو ڕێکەوتنە مەرجدارە بەپێیى ڕێنماییەکان هەڵدەوەشێننەوە.

 

ناو تۆمار بکە بۆ وەرزێکى نوێى کۆرسەکانى زمانى ئینگلیزى و ئامادەکارى بۆ تاقیکردنەوەى (IELTS)

posted Jan 17, 2017, 10:22 PM by SPU-ELC English Language Centre   [ updated Jan 17, 2017, 10:26 PM ]



 سەنتەرى نێودەوڵەتى زمانى ئینگلیزى وەک یەکەم سەنتەرى زمانى باوەڕپێکراوى ئەنجومەنى ڕۆشنبیرى بەریتانى (British Council) لەهەرێمى کوردستاندا کە مانگانە تاقیکردنەوەی (IELTS)ی تێدا ئەنجام دەدرێت، وەرزێکى نوێى خولەکانى ڕادەگەێنێت بۆ توانستى زمانى ئینگلیزى و کۆرسى ئامادەکارى بۆ تاقیکردنەوەى (IELTS) بەم شێوەیەى لاى خوارەوە:

١.کۆرسى ئامادەکارى بۆ تاقیکردنەوەى (IELTS):

جۆرى یەکەم: ئۆنلاین بۆ (Academic and General Training) : ئەم کۆرسە لەلایەن پسپۆران و خاوەن ئەزموونى تاقیکردنەوەى (IELTS)ەوە لە بریتش کاونسڵ ئامادەکراوە و بریتیە لە ١٢٠ کاتژمێرى ڕێنمایىو ڤیدێوو چەندین نموونەى پێشووى پرسیارەکانى تاقیکردنەوەکەو ئەو ستراتیژو تەکنیکانەى کە پێویستن بۆ بەدەستهێنانى نمرەى بەرز لە هەرچوار بەشى تاقیکردنەوەکەدا (گوێ گرتن، خوێندنەوە، نووسین، گفتوگۆکردن). فێرخواز بەخواستى خۆى کاتى پێویست تەرخان دەکات بۆ تەواو کردنى کۆرسەکە لەماوەى دیاریکراودا.

- نرخى کۆرس: جۆرى (Academic or General Training):
-
بۆ یەک مانگ بەرامبەر بە (٦٠) شەست هەزار دینار
-
بۆ سێ مانگ بەرامبەر (١٢٠٠) سەد و بیست هەزار دینار

جۆرى دووەم: ئۆنلاینو خوێندنى ناو پۆل بەیەکەوە: بریتیە لە ڕاهێنانى ناو پۆل تایبەت بە پراکتیزەکردنى چەندین نموونەى پێشووى پرسیارەکانى تاقیکردنەوەکەو خوێندنى ئەو ستراتیژو تەکنیکانەى کە پێویستن بۆ وەڵام دانەوەى هەرچوار بەشى تاقیکردنەوەکە (گوێ گرتن، خوێندنەوە، نووسین، گفتوگۆکردن). هەروەها فێرخواز هەمان کۆرسى ئۆنلاینى بۆ دابین دەکرێت بۆ ماوەى مانگێک. 
 -
مەرجى بەشداریکردن: پێویستە فێرخواز چاوپێکەوتن ئەنجام بدات بۆ هەڵسەنگاندنى توانستى زمانى ئینگلیزی و دیاریکردنى ئاستەکەى، لەبەرئەوەى تەنها لەئاستى (B1) وسەروو تر دەتوانێت بەشداری کۆرسەکە بکات. 
-
ماوەى کۆرس: (٣٢) کاتژمێر بۆ ماوەى (٤) هەفتە. 
-
کاتى کۆرس: (٩-١)ى بەیانیانى ڕۆژانى یەک شەمەو چوارشەمە
-
ژمارەى کورسى تەرخانکراو بۆ هەرکۆرسێک بۆ ئەوەى دەست پێبکات: (١٠-١٥)
-
نرخى هەردوو کۆرسى ناو پۆلو ئۆنلاین: (٢٥٠٠٠٠) دوسەد و پەنجا هەزار دینار
 -
مامۆستاى کۆرس: خاوەنى بڕوانامەى ماستەر لەزمانى ئینگلیزى و ئەزموونى چەندین ساڵى هەیە لە ووتنەوەى کۆرسەکانى زمانى ئینگلیزى و ئامادەکارى بۆ تاقیکردنەوەى (IELTS).


٢. کۆرسى پەرەپێدانى توانستى زمانى ئینگلیزى: بۆ هەرموو ئەو فێرخوازانەى کە خوازیارن پەرە بەتوانستى زمانى ئینگلیزى بدەن بۆ مەبەستى گشتى و خوێندن و ئەنجامدانى تاقیکردنەوە نێودەوڵەتییەکانى زمانى ئینگلیزى، بەتایبەتى ئەو مامۆستایانەى ماستەر یان دکتۆرایان بەدەست هێناوەو وانەبێژن لەسەرجەم بەشە جیاوازەکانداو لەلایەن وەزارتى خوێندنى باڵاوە داوایان لێکراوە کە بەشدارى لە کۆرسى ڕێگاکانى وانە ووتنەوەو پەرەپێدانى توانستى زمانى ئینگلیزى بکەن. 
 
تێبینى: ئەو فێرخوازانەى ئەم کۆرسە بەسەرکەوتوویى تەواو دەکەن، سەنتەرمان کۆرسێکى ئۆنلاینى ئامادەکارى بۆ تاقیکردنەوەى (IELTS)یان بۆ دابین دەکات بۆ ماوەى مانگێک بێ بەرامبەر تاکو پەرەى زیاتر بە تواناکانیان بدەن بۆ تاقیکردنەوەى (IELTS). لەکۆتایدا، فێرخواز بڕوانامەى بەشداریکردنى کۆرسەکەى پێ دەبەخشرێت. 
-
ماوەى کۆرس: (١٢٠) کاتژمێر بۆ ماوەى (١٢) هەفتە. 
 
کاتەکانى کۆرس: 
-
پێش نیوەڕوان ڕۆژانى یەک شەمەو چوارشەمە (٩-١٢) وە ڕۆژانی دووشەمان (٩-١) 
-
دواى نیوەڕوان ڕۆژانى یەک شەمەو چوارشەمە (٢-٥) وە ڕۆژانی دووشەمان (٢-٦)

- ژمارەى کورسى بۆ هەرکۆرسێک: (١٦-٢٠)

نرخى هەردوو کۆرسى توانستى زمانى ئینگلیزى و ئۆنلاینى ئامادەکارى بۆ تاقیکردنەوەى (IELTS): (٣٠٠٠٠٠) سێسەد هەزار دینار).

مەرج و پێداویستى ناوتۆمارکردن: 
-
ئەنجامدانى تاقیکردنەوەى هەڵسەنگاندنى توانستى زمانى ئینگلیزی بۆ دیاریکردنى ئاست 
-
پڕکردنەوەى فۆرمى بەشداریکردن 
-
کۆپى ڕەنگاوڕەنگى پاسپۆرت یان پێناسى بارى شارستانى
-
٢) وێنە)
 -
بڕى پارەى دیاریکراوى خولەکە

بۆ زانیارى زیاتر پەیوەندى بکەن بە ژمارە تەلەفونى: ٠٧٤٨٠١٩٠٠٩١
یان سەردانى سەنتەر بکە ڕۆژانى یەک شەمەو دووشەمەو چوارشەمە کات (٩-١)ى پاش نیوەڕۆ. 
شوێن: قڕگە، گەرەِکى ورمێ، ماردین ٣٢٧، کۆڵانى ٧٦٦، ڕاستەوخۆ پشت بەنزینخانەى وڵات لەسەر شەقەمامى (١٠٠) مەترى. 
یان سەردانى پەیجى فەرمى سەنتەرمان بکە لەڕێى ئەم لینکەوە www.facebook.com/elc.spu

 

ناوی سەنتەری نێودەوڵەتی زمانی ئینگلیزی زانكۆی پۆلیتەكنیكی سلێمانی دەچێتە ناو وێبسایتی فەرمی BRITISH COUNCIL وە

posted Jan 11, 2017, 10:01 AM by SPU-ELC English Language Centre

ناوی سەنتەری نێودەوڵەتی زمانی ئینگلیزی زانكۆی پۆلیتەكنیكی سلێمانی دەچێتە ناو وێبسایتی فەرمی BRITISH COUNCIL وە.............



لە چوارچێوەی رێكەوتننامەی نێوانمان سەنتەرمان ‌و BRITISH COUNCIL بەمەبەستی ئەنجامدانی تاقیكردنەوەیIELTS ‌و كردنەوەی خولەكانی فێربوونی زمانی ئینگلیزی ‌و ئامادەكاری بۆ ئەو تاقیكردنەوەیە، BRITISH COUNCIL بەشێوەیەكی رەسمی ناوی سەنتەری نێودەوڵەتی زمانی ئینگلیزی زانكۆی پۆلیتەكنیكی سلێمانی خستە نێو وێبسایتی فەرمی خۆیەوە. ئەم هەنگاوەش بە یەكێك لە دەرفەتە هەرە باشەكان هەژمار دەكرێت لەسەر ئاستی ناساندنی كاروچالاكییەكانی BRITISH COUNCIL لەگەڵ سەنتەری نێودەوڵەتی زمانی ئینگلیزیدا، كە بەشێوەیەكی رەسمی خۆی دەبینێتەوە لە ئەنجامدانی تاقیكردنەوەی IELTS ‌و كردنەوەی خولی فێربوونی زمانی ئینگلیزی ‌و ئامادەكارییەكان بۆ IELTS ‌و چەندین هەوڵ ‌و چالاكی تر لە پێناو برەودان بە ئاستەكانی زمانی ئینگلیزی ‌و ئاشناكردنی فێرخوازان بەو زمانە.

1-10 of 19